KAPTENI CAMARA ASHTAKIWA RASMI HUKO GUINEA

Maafisa

wa serikali Guinea wamemshataki rasmi aliyekuwa mkuu wa jeshi nchini humo Moussa Dadis Camara kuhusu mauaji ya halaiki yaliotokea katika uwanja wa michezo kwenye mji mkuu mnamo 2009.

Wanajeshi nchini humo wanashutumiwa kwa kuawaua watu 150.

Kapteni Camara alishtakiwa huko Burkina Faso anakoishi uhamishoni tangu alipojiuzulu urais.

Kiongozi huyo wa zamani wa Junta alinyakua madaraka kupitia mapinduzi 2008.

Camara amekuwa akiishi uhamishoni Burkina Faso

 

Mashtaka hayo hayajabainishwa wazi lakini Kapteni Dadis Camara alihojiwa kuhusu tuhuma hizo za kuhusika katika mauaji hayo ya halaiki.

Takriban watu 157 waliuawa wakati vikosi vya usalama vilifyetua risasi dhidi ya kundi la waandamanaji waliopinga kugombea kwake urais katika uchaguzi mkuu nchini.

Makundi ya kutetea haki za binaadamu yanasema wanawake wapatao 1000 pia walibakwa.

Jitihada za kumshtaki zilianza 2010 na mahakimu wanaoiongoza kesi hiyo waliwahoji mamia ya waathiriwa, lakini kesi hiyo bado inatarajiwa kusikizwa.

Chama cha kisiasa cha Camara kimetaja kuwasilishwa rasmi kwa mashtaka dhidi ya mkuu huyo wa jeshi wa zamani kama siasa tupu, na hatua ya kumzuia kugombea urais katika uchaguzi mkuu unaotarajiwa baadaye mwaka huu.