KIKOSI cha Chile kimetinga Ikulu kumuonyesha Kombe la Copa America Rais Michelle Bachelet na kushreheeka naye baada ya usiku wa penalti 4-1 dhidi ya Argentina usiku wa kuamkia leo.

Mshambuliaji wa Arsenal, Alexis Sanchez alifunga penalti ya ushindi Uwanja wa Taifa mjini Santiago na Chile ikaripuka kwa shangwe za ubingwa wa Copa America 2015..

Saa kadhaa baada ya ushindi huo, wachezaji wote wakazuru Ikulu La Moneda mjini Santiago kupewa hongera zao na Rais Bachelet.

Maelfu ya wananchi wa Chile walijimwaga mitaani kusherehekea ushindi huo wakati pati la Rais na wachezaji likendelea Ikulu.

Wachezaji wa Chile wakiwa katika picha ya pamoja na Rais Michelle Bachelet (katikati) katika Ikulu ya La Moneda leo baada ya ushindi dhidi ya Argentina usiku wa Jumamosi

Rais Bachelet akiinua Kombe la Copa America Ikulu leo

Wachezaji wa Chile wakiingia mitaani kutoka uwanjani baada ya ushundi huo