JUSTIN BIEBER AWAOMBA RADHI MASHABIKI WAKE

LAS VEGAS, Marekani

NYOTA wa muziki wa RnB nchini Marekani, Justin Bieber, amewaomba radhi mashabiki wake nchini Uingereza baada ya kutangaza kusitisha onyesho alilotakiwa kulifanya nchini humo.

Msanii huyo mwenye umri wa miaka 21, alitarajia kufanya onyesho hilo Agosti 28 mwaka huu nchini humo, lakini amesitisha bila kutaja sababu za msingi.

“Naomba radhi kwa mashabiki wangu nchini Uingereza kwa kusitisha kufanya shoo Agosti 28, lakini lazima nitaifanya muda mfupi ujao.

“Nimeona nitumie muda huu kujipanga vizuri ili niweze kuwapa shoo yenye ubora kutokana na ninavyokubalika na idadi kubwa ya mashabiki, hivyo naomba uvumilivu wenu,” alieleza Berber.