BABA MZAZI WA DEPAY AMPIGIA MAGOTI MWANAE

Baba mzazi wa mchezaji wa Manchester United na timu ya taifa ya Uholanzi, Memphis Depay ajulikanaye kama Denis amesema yuko tayari kurudisha mahusiano na mwanae huyo kwani ana mkumbuka sana.

Depay ambaye alikataa kutumia jina la baba yake, Denis na badala yake akaamua kutumia jina la Memphis walitengana na baba yake mzazi tangu akiwa na miaka 4 tu kitu kilichopelekea waondoke na mama yake hadi Uholanzi ambako wanaishi hadi leo.

Denis (mzazi wa Depay) ni raia wa Ghana na sasa anajutia kutokuwa na mahusiano na mwanae kwa kipindi cha miaka 17 hivi sasa. Mzee huyo anasema anamkumbuka sana mtoto wake na anamuomba wamalize tofauti zao ili warudi kuwa kitu kimoja.

Mzee huyo mwenye miaka 50 anasema kimsingi hakumkataa mtoto wake, na kwamba aliumia sana kumuona mwanae akiongea katika YouTube kusema hakutaka kulitumia jina halali la baba yake, kitu kinachomuuma zaidi mzee huyo.

Depay ambaye anafurahia maisha Old Trafford hivi sasa alinukuriwa akisema, baada ya kutengwa na baba yake amejikuta mjasiri na kwamba tattoo alizojichora mwilini zinampa nguvu kuamini kwamba anaweza kufika mbali zaidi.