AFISA MTENDAJI AHUKUMIA JELA KWA KUMKATISHIA MASOMIO MTOTO WAKE

 

OFISA Mtendaji wa Kijiji cha Mpanji, Kata ya Mpanji, wilayani Tunduru, mkoani Ruvuma, Jimmy Bandawe na wakazi wanne wa kijiji hicho, wamehukumiwa kwenda jela miezi miwili au kulipa faini ya Sh

200,000 kwa kosa la kukatisha masomo watoto wao.

Mbali na Ofisa Mtendaji, wananchi wengine waliokutwa na hatia kama hiyo ni Rajabu Shomari, Mbwana Kandu, Rajabu Mussa, na Amani Kassim Issa ambao kwa pamoja walinusurika kwenda jela baada ya kulipa faini ya Sh 200,000 kila mmoja.

Katika Shule ya Sekondari ya Kutwa ya Marumba, wanafunzi walioanza kidato cha kwanza mwaka 2013 walikuwa 64, lakini waliobaki ambao wameanza kufanya mitihani ni wanafunzi 17 akiwamo msichana mmoja kati ya 12. Shule ya Sekondari Mchoteka iliyopo Kata ya Mchoteka wilayani humo, wanafunzi walioteuliwa kuanza masomo ya kidato cha kwanza mwaka 2013 walikuwa 100 hata hivyo, waliobaki ni wanafunzi 21 katika shule hiyo.