VITUKO VYAZIDI KWA MADIBA

Baada ya mchungaji kutoka Afrika ya Kusini kuwapulizia waumini wake dawa ya kuua wadudu “Doom” kwa maelezo kuwa watapona magonjwa yanayowasumbua, leo imeibuka nyingine mchungaji mwingine anayewanywesha watu dawa ya kuua bakteria wanaoishi kwenye majimaji “Dettol”

Mchungaji huyo maarufu kwa jina la Rufus Phala kutoka kanisa la AK Spiritual Christian lililopo Makgodu, Limpopo, Afrika Kusini amewashanga watu kwa kitendo hicho wakati inajulikana kuwa Dettol ina madhara endapo itatumika ndani ya mwili wa binadamu.

Pia amesema kuwa amepokea meseji za WhatsApp kutoka kwa watu waliokunywa na wamethibitisha kupona.

Mchungaji Rufus Phala akimnywesha muumini wake Dettol

Mchungaji Rufus Phala akimnywesha muumini wake Dettol

Baada ya kuwepo kwa taarifa hizo, amehojiwa Daktari kutoka Afrika Kusini, Dr Mabowa Makhomisane, ambaye amekiri kuwa Dettol ina madhara inapotumika tofauti na maelekezo ikiwemo kuinywa

Dr Makhomisane amewashauri watu waliokunywa dawa hizo waende Hospitali kupata vipimo ili kujua madhara waliyopata..