MALEKELA WA NIMR AWEKWA KIKAANGONI

Waziri wa afya, maendeleo ya jamii, jinsia, wazee na watoto, Ummy Mwalimu, amemuita Mkurugenzi wa NIMR, Dk Mwele Malecela kutoa ufafanuzi kuhusu taarifa ambazo amezitoa za kuwepo wagonjwa wa Zika nchini.

Waziri huyo amesema ugonjwa kama Zika unatakiwa kutolewa taarifa na  vyombo vya kimataifa  baada ya kujadiliana kwa kina na nchi husika badala ya kutolewa na taasisi moja pekee.

Jana taasisi ya taifa ya utafiti wa magonjwa NIMR ikitoa takwimu kuwa ilibaini kuwepo kwa  wagonjwa 80 wa Zika  nchini, Wizara ya Afya imesema taarifa hizo hazijathibitishwa kimataifa .