YAYA TOURE AKUBALI FAINI YA USALAMA BARABARANI

 

    

KOMBA

Baada ya kukutwa na kosa la kuendesha gari akiwa amelewa kiungo wa Manchester City Yaya Toure amekubali kosa hilo lakini amekiri kuwa hakutumia pombe kwa makusudi.

 

Nyota huyo mwenye miaka 33 alikamatwa Desemba 3 huko Dagenham London baada ya kuzuiwa na maafisa wa polisi wakati akiendesha gari na baada ya vipimo ilidaiwa kuwa Toure alikuwa ametumia pombe.

“Kuendesha gari ukiwa umelewa ni kosa kubwa na mimi nalifahamu hilo na sikutumia pombe makusudi, nalikubali kosa na faini lakini  napenda kuomba msamaha kwa hili. Napenda pia kuwashukuru familia yangu, uongozi na wafanyakazi wote wa Manchester City, wanasheria wangu na mashabiki kwa  msaada wao walionipa katika wakati huu mgumu. ” Amesema Toure kupitia taarifa aliyotoa leo.