MKURUGENZI ACACIA APINGANA NA KAMATI YA RAIS MAGUFULI

Endelea kutembelea blog yetu kuwa wa kwanza kuhabarika kwa maoni na ushauri +255 766 086 039 +255 625 715 167 +255 744 063 802 +255 719 980 891 +255 684 219 786

 

Mkurugenzi mkuu wa Kampuni ya Uchimbaji wa Madini ya ACACIA Brad Gordon ametoa tamko la kupinga ripoti ya utafiti wa Mchanga wa Madini (Makinikia)  iliyowasilishwa na kamati iliyoongozwa na Prof. Mruma Ikulu leo.

Brad anasema kila kontena lina dhahabu isiyozidi 4Kg na kwamba taarifa zilizotolewa na kamati hiyo si za kweli kwasababu wao wanatumia maabara yenye sifa za kimataifa ya SGS katika kupima kiwango cha madini kilichomo kwenye mchanga huo.

Anasema kiwango cha madini kinachosemwa na Tume ni mara 10 ya kiwango halisi kilichomo kwenye mchanga huo.

Kuhusu aina nyingine za madini zinazo semekana  kupatikana katika mchanga huo Brad anasema Serikali imekuwa ikilipwa mrabaha wa 4% kutokana na madini hayo (yale yanayouzika)

Anasema kama kweli taarifa na takwimu zilizotolewa na Tume hiyo ya Magufuli zingekuwa na Ukweli basi Buzwagi na Bulyanhulu ndio ingekuwa migodi inayoongoza kwa uzalishaji wa Madini ya Dhahabu duniani.